معجنات

طريقة عمل الجلاش باللحمة – الجلاش باللحمة المفرومة

يعتبر الجلاش باللحمة المفرومة من الاكلات التى يحبها الكبار والصغار تعرفى معنا على طريقة عمل الجلاش باللحمة

وتعتبر وصفة الجلاش باللحمة المفرومة من اسهل الوصفات التى يمكن تحضيرها فى المناسبات حيث يعد الجلاش باللحمة من الاكلات التى تجمع فى تحضيرها بين الطرق القديمة والطرق التقليدية لتحضير الفطائر

مقادير عجينة الجلاش

3/4 3 كوب دقيق 
1 بيض
2 ملعقة كبيرة ملح
1/4 1 كوب ماء 
2 ملعقة كبيرة زيت
3 كوب نشا (للفرد)

طريقة  التحضير

– يُوضع الدقيق والبيض والملح في العجان الكهربائي على سرعة متوسطة، ويُضاف الماء تدريجياً مع الاستمرار في العجن.
– يُضاف الزيت، وتُعجن لمدة 10 دقائق حتى نحصل على عجين أملس ومطاطي.
– يُغطى العجين ويُترك لمدة 30 دقيقة.
– يُقسم العجين إلى قسمين ويُشكل كل جزء على هيئة اسطوانة.
– تُقطع كل اسطوانة إلى أقسام متساوية بسُمك 2 سنتيمتر بواسطة سكين حادة، وتُشكل على هيئة دوائر، وتُغطى كل دائرة من الدوائر بالنشا من الجهتين وتُرص فوق بعضها وتُغطى (بفوطة مطبخ جافة) وتُترك لمدة 10 دقائق.
– تُفرد دوائر العجين على سطح أملس مرشوش بقليل من النشا وتُرقق بنشابة طويلة (كل على حدىً) وتُرص الدوائر المفرودة فوق بعضها وتُرش بالنشا حتى لا تلتصق، وتُغطى وتُترك لمدة 30 دقيقة (مع مراعاة التخلص من النشا الزائد حول العجين بفرشاة ناعمة).
– تُفرد راقات العجين بالنشابة على سطح مرشوش بقليل من النشا حتى يُصبح سُمكها كالورقة (تُلف الدوائر بحركة نصف دائرية أثناء الفرد)

لعمل الجلاش باللحمة المفرومة

:مقادير الجلاش باللحمة المفرومة 

ربع كيلو لحمه مفرومه –
بصله متوسطه –
كوب سمن سايح –
رقائق الجلاش –
بيضه –
كوب متوسط لبن –
ملح –
فلفل اسود –
بهارات مشكله –
كوب ماء

:طريقة االتحضير

اولا طريقة عمل العصاج (اللى هو اللحمه المفرومه
نجيب حله صغيره وبعدين نحط فيها 3 ملاعق كبيره سمنه من اللى سايحناها بعد كده نقطع البصله قطع صغيره ونحطها على السمنه ونقلب لحد ما البصله تتدبل او يعنى تبقى صفره شويه  بعد كده تحطى اللحمه المفرومه وتقلبى وبعدين تحطى توابلك ( معلقه صغيره ملح , معلقة صغيرة فلفل , معلقة صغيرة بهارات ) وقلبى كويس حطى كوب الماء و وطى النار وسيبيها شويه لما تشرب كل الميه لو لقيتيها لسه نيه زودى ميه بس ان شاء الله مش هتحتاجى ميه تانى بعد ما تستوى شيليها من على النار واركنيها على جنب
نيجى بقى للمهم الجلاش
جيبى ورق الجلاش وافرديه على الرخامه بعد كده هاتى الصينيه المتوسطه اللى هتعمليه فيها واقلبيها على الورق وظبطيها عشان متبقاش طالعه من حته وحته لا حددى  بالسكينه الورق على شكل الدائره بتاعة الصينيه وشيلى الصينيه قطعى بقى الزيادات وهتلاقيها زى الصوره دى وبعدين  نجيب الصينيه وندهنها سمنه بالفرشاه كويس يعنى معلقتين سمنه سايحه كفايه اوى وتبتدى تخدى ورقتين جلاش وتحطيهم فى الصينيه وتدهنى وشهم شويه سمنه صغنونه وبعدين ورقتين كما وتدهنى وورقتين وتدهنى لحد ما تيجى لنص الورق بعد كده تجيبى اللحمه المتعصجه وتفرديها على الورق كويس زى كده  نجيب ورقتين جلاش ونغطى بيهم اللحمه وندهن سمنه ونحط ورقتين وندهن وهكذا لحد باقى الورق ما يخلص وبعدين تقطعى الجلاش بالسكينه فى الصينيه سمبوكسات مربعات مثلثات زى ما تحبى وتجيبى كوب اللبن وتحطى فيه بيضه وذرة ملح ورشة فلفل اسود وتقلبيهم كويس اوى وتروحى ساقيه بيهم صينية الجلاش وتحركيها كويس عشان تتشرب كده

 

:-طريقة الطهي

ندخله الفرن ونظبط الفرن على درجه الحراره متوسطه لاهى عاليه ولا هى واطيه عشان يستوى على مهله لمده 15 دقيقه  وبصى عليه لقيتى وشه لسه ابيض سيبيه شويه تانى المهم تابعيه لحد ما لونه يبقى زى اللون الدهبى  ه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق